利申：生活小智將完全係小編自肥系列，主要喺想做伸手黨收集大家嘅生活小智慧，早日脫離獨居新手村🤣🤣

入返正題先，有冇人同小編一樣試過洗完衫，一拎出嚟發現仲有一陣味🤮？一齊揮揮手，互相圍吓爐先 (7嫂Tone)

話說小編搬咗出嚟自己住，先發現做家務一啲都唔簡單，夜晚收工洗衫晾完，諗住第二朝實乾可以收衫啦

點知瞓醒一打開房門，成間屋一陣噏味，OMG朝早出門口已經趕到傻，仲要逐件check吓係邊件臭咗，聞到我個鼻好似壞咗啊🥲

結果係牛仔褲！又係牛仔褲啊！條褲已經洗咗兩次喇，點解又係你啊

嗰刻我決定以後都唔再著牛仔褲啊，美好嘅weekend點解我要喺度洗衫 😭😭😭

賽後檢討(aka問阿媽)先知係一開始落唔夠洗衣液，第二次又用咗快洗Mode冇洗乾淨，仲要冇俾條褲曬太陽，喺所有嘢都錯晒之下，先搞到一陣噏味🤢

而家小編醒咗喇，會去秤吓袋衫再跟足樽上嘅分量去落，仲會揀朝早洗衫曬衫，曬夠太陽香香der (不過朝早仲要早啲起身洗衫，真係好痛苦)

👵🏻阿媽生活小知識，除咗用消臭洗衣液之外，仲要定期洗吓個洗衣機，洗出嚟啲衫先會乾淨㗎

出完PO，又係時候去洗衫喇🥲👍🏻 歡迎分享洗衫小智慧，小編在線等

#文具佬生活百貨 #生活小智將 #洗衫

小編最近學煮飯，諗住大顯身手益吓班同事

料都準備好晒，手都洗埋㗎，點知。。。

唔見咗條線，冇心情，生活小智將暫緩出PO

等小編搵返條線再見👋🏻

多謝大家上星期嘅建議，小編試過Mon線飯煲線都唔得，最後都係買條新嘅算

小編上YT睇唔少人都話撈麵好易煮，所以決定挑戰咖哩雞髀撈麵，同同事分享美食(?)

點知個個都叫小編唔好玩食物，話肯定係劣食

不過小編唔信㗎，點會唔好食先！

一開始見包咖哩咁大包，個麵望落又咁細，煮兩個麵應該啱啱好

個麵一路煮一路脹，脹到小編有啲不安，淋埋咖哩上去，果然不安嘅預感永遠都唔會錯🥲

為咗挽救唔夠汁撈呢個失誤，小編決定用擺盤搭夠！

平時食日式炒麵都會有紫菜裝飾吓，摵碎包泰國紫菜撒上去應該都一樣姐😎

原來理想同現實總係有一段好大嘅距離...

班食花生嘅同事一見小編煮好就鳥獸散，表示咪搞佢哋

其實食落係好味㗎喎，結論係班同事接受能力太低， 一定係咁！

#小編食評 #其實真係好味係麵多咗啲姐 #下次挑戰其他撈麵小編會記得淨係落一個麵

敬請期待， 新手廚神will be back